‏پردەلر . . .

 

 

 جليل: خليل گوكقايا

  

 بالچق أنگللر می گرچك عاشقی ،  

 گونشی گورنجە سینر ‏پردەلر . . .  

 صولدیررسە گناهلرڭ ایشیغی ،  

 اومزڭە ‏یوك اولور بینر ‏پردەلر . . .  

  

 ‏پایلاشمق گركیر أكمگی - آشی ،  

 ‏صوڭ نفسدە بیتر ‏شیطان طالاشی ،  

 بیراقمایز نفس ‏ایلە ‏صاواشی ؛  

 باقوب گورمینی ‏یڭر ‏پردەلر . . .  

  

 صاچيمز آغارسين حقڭ ‏یوڭندە ،  

 عمل عیان بیان محشر گونندە ،  

 بعضاً آرقەسندە ، بعضاً أوڭندە ؛  

 هركسی ‏ییللرجە دڭر ‏پردەلر . . .  

 

 ‏سنت ‏ایلە پارلاتارق نسلیمی ،  

 اوچ آیلردە بولملییم اصلمی ،  

 غفلت ‏أورتوسی می ، قرآن ‏فصلی می ؟  

 قراڭلق ‏پردەلر ، ‏فنار ‏پردەلر . . .  

  

 آتشلردە ‏سلامتی بولانڭ ،  

 بالیقلرڭ ‏سینەسندە قالانڭ ،  

 ‏انگلی ‏یوق ، دوستی رحمن اولانڭ ؛  

 قاورولور آلولر ، ‏یانار ‏پردەلر . . .  

  

 ‏زكاتی ویرمەیوب كورْك ایدنلرە ،  

 بو ‏دنیایی مسكن ، بارق ایدنلرە ،  

 انفاقی ، اكرامی ‏ترك ایدنلرە ؛  

 آلیجی قوش ‏گبی ‏تونر ‏پردەلر . . .  

  

 بر آی ‏وار ، باشندە ، ‏صوڭرەسندە نور ،  

 ‏ال الە ویرینجە یاشانان حضور !  

 نردە مسجدلرڭ ‏سرداشی اولور ؛  

 نردە ‏پروانەیە دونر ‏پردەلر . . .  

  

 ‏صوڭ ‏طورە گلینجە ‏عمر ألگی ،  

 قیریلیر جلیلڭ قولی ، تلگی ،  

 ‏صحنەیە چیقنجە اولوم ملگی ؛  

 اوممادیغڭ آندە اینر ‏پردەلر . . .

بو ‏گیجە . . .

 

مولانانڭ غزلینی توركجە ‏سویلەییش - ۲ -  

   

هرون اوگمش

 

بنی ‏تنهایە چكوب ؛ «قال!» دیدی جانان بو ‏گیجە . . .  

دیدم ؛ آنجق گورونوب ‏قیل بڭا احسان بو ‏گیجە . . .  

  

بر نشان ‏ویر بڭا ‏ای ‏یار ، بیراق معذرتی ،  

دوشەیم آردنە ‏یوز ‏أوستی ‏پریشان بو ‏گیجە . . .  

 

گون جمالڭلە منور ، ‏گیجە ‏زلفڭلە ‏سیاه ،  

دوشسون آی - چهرەڭی گوستر دە - ‏سمادان بو ‏گیجە . . .

 

‏سن ‏گیك آوجیسی ، بن آولادیغڭ بر آهو ،  

‏گیتمم اما ، آجییوب بندیمی آچسەڭ بو ‏گیجە . . .  

  

مصرە بیهودە ‏سفر ایتمە ، دونوب گوڭلیڭە باق !  

آراسان اوردە قونوق ، ‏یوسف دوران بو ‏گیجە . . .  

  

سندەدر نغمە دە ‏خوٰانندە دە مطرب دە ‏اینان ،  

سویلەدڭ باق ، ‏نیجە حكمت ‏طولو دستان بو ‏گیجە . . .  

  

بکشید یار گوشم که تو امشب آن مایی

صنما بلی ولیکن تو نشان بده کجایی

 مطلعلی غزل . ( ٣ ، ۳۲٤ )

https://ganjoor.net/moulavi/shams/ghazalsh/sh2839 /

چیگدم ‏دیر ‏كە ! . .

 

 

ثروت يوكسل

 

 قار ‏ایچندە طوغمشم ، بهارڭ اشیگییم .  

 ‏اویقوسندن اویانان ، طوپراغڭ ایشیغییم .  

  

 چوجقلرڭ ألندە ، بن بر ‏صاری اینجییم .  

 قوزولرڭ ‏مژدەسی ، قوشلرڭ سوینجییم .  

  

 بوزقیرلرڭ ‏سوسییم ، ‏یایلەلرڭ ‏قیزییم .  

 بویون بوكر بكلرم ، بر ‏اینجەجك ‏صیزییم .  

  

 بنی گورن چوبانلر ، هوادە جمرە آرار .  

 ‏بلوطلر جوشار ‏گلیر ، روزگار ‏صاچمی طرار .  

  

 بیلمم ، ‏كیم بیلیر كیمڭ ‏سودا ‏یارەسندەیم .  

 ‏ای ‏یار گل اوقو بنی ، كتاب آراسندەیم .  

  

 ‏صحبتە ، ‏ذكرە حسرت ؛ بر ‏پیڭار باشندەیم .  

 ‏زمانڭ ‏قیصقاجیندە ، ‏یولجی ‏تلاشندەیم .  

  

 اوچ - بش گونلك ‏عمردە ، ‏سیرە گلدم جهانی .  

 حزنينی پایلاشدیغم ‏پیرلر ، ‏درویشلر ‏هانی ؟ . .  

  

چیچكلر ‏مجلسیندە ، ‏رؤیامی ‏یورارلر می ؟  

اولومڭ علاجنی ، ‏لقماندن صورارلر می ؟  

  

 توركیلرڭ قوینندە ، ‏خیاللرە دالایم .  

 گوزللگم بر ‏یانە ، ‏ادبملە اعلایم .  

  

 گوزی ، گوڭلی خوش ایدن ؛ مورم ‏وار ، بیاضم ‏وار .  

 جنتدە آچمق ‏ایچون حالمجە ‏نیازم ‏وار .  

  

« ‏پاپاتیە»‏یی ، «نرگس»ی ؛ قوم قرداش بیلیرم .  

 بر ‏خویرات ‏ال اوزانسە ؛ قورقارم ، ایركیلیرم . 

 

 آیری دوشدم «گل»مدن ، بنی دە قوقلاسەیدی .  

 «‏یتیم» ‏دیە سوەرك ، غربتدن صاقلاسەیدی .  

 

بر توركمان ‏خالیسندە ، ‏سوگینڭ نقشییم .  

طاغلرڭ ‏یوجەسندە ، بر جیلان باقیشییم .  

  

‏یوكسلڭ گوز یاشلری ، ‏یاپراقلریمە دوشر .  

 بر ‏نفسلك ‏حیاتی ، ‏تفكر ایتسین بشر .  

  

 بن گونشدن رنك صاغان ، باغین یاقیشیغییم .  

 ناصل صاراروب ‏صولمام ، مولامڭ عاشقییم !