على آغير
پنجرەدن ایزلركن گونشڭ طوغوشنی ،
تر تمیز یورگندە گوزللكلر یشریر .
ماس ماوی گوك یوزینە صالار عقل قوشنی ،
ماصاللر أولكەسندە طولون آیە سر ویرر .
ألندە اوچورتمسی ، قوشار طاغ یاماجینە ،
ایچندەكی سوینجی ، دیلندەكی آوازدر .
اویقو وقتی ییلدیزلر ، دیزیلیر باش اوجینە ،
رؤیالر باغچەسنڭ چیچكلری بیاضدر .
خیرچینلغی ، أوفكەسی ، طالغینلغی ، تلاشی .
ساحلدە بر طالغەیلە ییقیلان قومدن قلعە .
علم یولجیلغندە مراقی جان یولداشی ،
بیتمەین هیجانی ایچندەكی مشعلە .
حزن اویقویە طالار ، زمانڭ قونداغندە ،
ایلیق یاغمور طاملەسی صاچلرینە دوشونجە .
قراڭلقلر غائب اولور ، گل رنگی یاناغندە ،
طاتلی تبسمیلە گوندوزە دونر گیجە .
ساعتلر اریر گیدر ، كلەبگڭ آردندە ،
چشید چشید اویونلر افقنی صاران ایشیق .
هر گون تختە اوتورور اویونجاقلر یوردندە ،
اوچسز بوجاقسز ذهنی بیلمەجە طولو صندوق .
صبرڭ و خوش گورونڭ سحرلی موسمندە ،
گون گلیر یارامازلق غائب اولور سیس مثالی .
بویویوب سرپیلملی سوگینڭ اقلیمندە ،
اینجیتمەسین بر جانی ، أزمەسين قرنفلى .
آیدینلق یارینلری بكلەین طومورجغڭ ،
بولوط سرداشی اولور ، زلفنی اوقشار روزگار .
دوشلری چالینمایان آی یوزلی هر چوجغڭ ،
گوزلرندە اوموت وار ، آووجلرندە بهار .
Hiç yorum yok:
Yorum Gönder